Tadbirni viloyat hokimi, senator Shuhratbek Abdurahmonov O‘zbekiston Respublikasi davlat mustaqilligining 35 yillik qutlug‘ ayyomi munosabati bilan barcha ishtirokchilarni va viloyat ahlini ulug‘ ayyom bilan samimiy muborakbod etdi.
Tadbir dasturidan o‘rin olgan Vatanni, istiqlolni va tinchlikni ulug‘lovchi mahoratli musiqiy chiqishlar hamda jozibali raqslar maydondagi barcha ishtirokchilarda yuksak milliy g‘urur va ko‘tarinki kayfiyat uyg‘otdi. Jonli ijroda yangrayotgan dilrabo navolar Bobur shahri oqshomiga o‘zgacha fayz bag‘ishladi. Mazkur bayram tadbirida O‘zbekiston davlat filarmoniyasi Andijon viloyati bo‘linmasi ijodiy jamoasi faol ishtirok etdilar.